ياقلبي مالك إيه تاني إيه

ياقلبي مالك إيه تاني إيه
إيه الجديد ماتقوللي عليه
إفتكرته ؟
وكنت إمتي نسيته ؟
حنيتله ؟
وإمتي سابنا الحنين ؟
مالهجر خلاص خدنا عليه
ياقلبي مالك جرالك إيه
تعبت من الغرام
خلاص مش لاقي كلام
يوصف حالي وشوقي ليه
وهنعمل إيه ياقلبي
لو عندك حل قوللي
ماتقوللي عليه
ولا إنت غاوي عذابي
مش مكفيك شبابي
ضاع في حزني عليه
بحبه ؟
آه بحبه
باعشق كل إللي فيه
عجباك ياقلبي دموعي
عجباك النار في ضلوعي
ولاحنين دوبني
للي في هجره تاعبني
لدمعي وليك سايبني
أبكي عليك ولاعليه
آاااه مشتاق ياقلبي
وحشاني عنيه
سنين كتير مستني
وأديني معاك مستني
لحبيب بعده مدوبني
مش عارف أعمل إيه
كفايه ياقلبي كفايه
حرام عليك صبرني
إكدب مره عليا
وإمسح دموع عنيه
وقوللي خلاص نسيته
ماعنتش هحس بيه
هصدق كدبك صدقني
وأعشق في الخيال كذبي
بس أمانه ياروحي
إرجعيلي وسبيه