روحي فوق كفي

موضوع: روحي فوق كفي الجمعة فبراير 18, 2011 3:56 am

خرجت بحمل سنين فوق كتفي
قدامي ماشيه روحي فوق كفي
كفايه سنين ظلم وهم يكفي
في بلد خيرها مش لولادها
ده خيرها كتير ويكفي
بعدل بين الكل يزيد ويكفي
لكن شوية حثاله جم من الزباله
ركبوا فوق كتافها وكتفي
نهبوني ونهبوها
سرقوني وسرقوها
ظلموني وظلموها
ولغير ولادها باعوها
لأغراب حاولوا يقطعوها
نسيوا فين كان أصلهم
كدبوا وغرهم كدبهم
ولمازاد بطشهم
نسيوا إني إنسان
سرقوا مني الأمان
حاولوا يموتوا فيها الحنان
نسيوا تاريخها زمان
إن آخر صبرها بركان
بركان هيحرق ظلمهم
طوفان غضب هياكولهم كلهم
قالتلي روحي آن الآوان
بينا نروح للميدان
نرفض ظلمهم بأعلي صوت
يايرحلوا هما ياإحنانموت
ده إحنا الأصل أصحاب البيوت
زرعنافيها القمح والقصب والتوت
ماتخافشي يابني مصر مش هتموت
مهمايمر الزمان ويفوت
هتفضل هي وإحنا إللي هنموت
بروحي هحافظ عليها
لحد ماأقدمك ليها
بطل في حبها بيموت
تحلف بيها وبيا
وتترحم عليا
وبروحي إللي كانت فوق كفي
وضاعت في الميدان
أصلها يابني غاليه
وهتفضل دايما عاليه
مصر أمنا أغلي الأوطان

» ~*روحي والسهر*~