يا بنتي "Take it easy" عشان تغوري من أرابيزي!

هل تعلم الان بافعال ابنتها ام تصهين ام تشجعها ؟؟

مشّي الأمور عشان تتجوزي الأمّور
البعض له وجهة نظر مختلفة في مسألة التساهل في فترة الخطوبة دي، بل إنه
بيفضّل ما يعتبرهاش تساهل وتفريط بقدر ما هي دبلوماسية وذكاء؛ يعني البلد
مش ناقصة عنوسة، وبالتالي تفتيح الدماغ مطلوب، والشاب من دول عايز يفرح
بخطيبته في فترة الخطوبة بأمور ممكن تعدّي -من وجهة نظرهم طبعاً- فما فيش
مانع من مسكة إيد، أو كتف، أو حتى بوسة خطوبة، ونحاول ما نغوّطش، ولو
غوّطنا يبقى تتعوّض معلش، ولو خرّفنا يبقى المسألة تتصلح ما دام ما
انكشفتش، وآهو في الآخر العروسة للعريس.

وجهة النظر دي بتؤيدها وبتباركها -أحياناً كثيرة- الأمهات، اللي كثيراً ما
بتكون متأكدة إن ابنتها بتتنازل وبتقدم ما لا يجب أن تقدّمه و"بتصهْين"،
وأحياناً يتطور الأمر أكثر، وتنصح الأم ابنتها إنها ما تقفّلش دماغها تحت
شعار "البوسة ما بتلزقش" و"takit easy عشان تفورى من أرابيزي"!

ما نقدرش نجزم إن الأب بيكون على علم بما يجري، ولكن أحياناً بيكون على علم
بشكل غير رسمي وغير معلن -بينه وبين نفسه يعني- و"بيصهين" هو الآخر؛
متمنياً ألا تتطور الأمور لأكثر من ذلك، من خلال بعض المحاولات العشوائية
للتغليس عليهما، مثل أن يصرّ أن يعودا للمنزل قبل التاسعة، ولو مش عاجبهم
ما ينزلوش.

اخلع خطيبتك من غير تفكير.. استرجل دي بنات تعلّ
أنا خطبت بنت، سابت لي نفسها بسرعة جداً؛ أهلها هم اللي كانوا بيقعّدونا
لوحدنا في حجرة نومها، والباب مغلق علينا! وساعات بيسيبونا لوحدنا في
الشقة.. وسيبنا بعض، وبعدها خطبت بنت تانية، وبعد 4 شهور خطوبة برضه سابت
لي نفسها، وهي ما زالت بنت ولسه سايبين بعض من أسبوعين.
قارئ لـ"بص وطل"

هو ده السؤال اللي ما سألناهوش، والافتراض اللي ما افترضناهوش والجزء اللي
لسه ما خاطبناهوش.. الولاد، الرجالة، الشباب، الـ"Mens".. هتقبل تتجوزها
بعد ما تلمسها؟ هتوافق تنقل مكان الدبلة من يمينك لشمالك برغم ما اقترفه
كلاكما؟ هتأمن لها؟ هتستمر في حبها؟ ولا هتخلع من وشها؟!

هذا هو الجزء الفارغ من الكوب الذي لم نفكّر فيه منذ اللحظة الأولى؛ لأن
الكثير من الشباب ما زال شرقياً بالسليقة، وهي دي الحقيقة؛ وبالتالي سيحجز
الشيطان داخل عقله "سويت كامل" يمارس فيه كل الأنشطة المفضّلة لديه من
وسوسة وتشكيك وسوء نية، تنتهي بالفراق بين الطرفين.. وأحياناً ما يكون
الخطيب هو نفسه الشيطان؛ فكثير من الشباب يخطب فقط بهدف الحصول على مثل هذه
الأمور، ثم يخلع فيما بعد زي كده مثلاً..



هل تقبل تتزوجها بعد ما لمستها ؟؟