خيانة الاصدقاااااااااااااااااااااء

بصو يابنات
انا قلت ابدأ واطرح عليكم مشكلة كلنا بنتعرض ليها
ومحدش بيهرب منها بس على قد مابتكون صعبة اوووووووووووى
على قد مالازم بنتعلم منها حاجة

وهى الخيانة فالصداقة
كتير مننا داق عذابها وكتير مننا خايف اليوم دة ييجى عليه ويتخان من اقرب الناس
وكتير مننا عاش بسببها اصعب ايام ومش قادر يفوق من الصدمة لانه الجرح معلم جواه
وكتير مننا اتعلم وهزم جرحه وعاش وبقى اقوى مالاول

احساسك ايه لما تكونى عايشة مع صديقة ليكى بل اعتبرتيها كل حاجة فدنيتك
فرحك وحزنك وجرحك ودمعتك والمك وروحك
وبعد كدة خزلتك وبعدت عنك فعز ماكنتى محتجالها

وهو دة اللى انا اتعرضتله احكيلكو بقى عشان اكون اول واحدة تقول مشكلة
انا كنت عارفة واحدة من ايام الثانوى وخسرتنى اصحااااااااااااااااب كتيرة اوى ورضيت بكدة من كترى حبى وتمسكى بيها
وبرغم دة كله بعت الكل عشانها واخترتها هى
ولما
دخلنا الجامعة مكنتش انا مكنتش انا معاها وكانت طبعا اتعرفت على بنات
كتيرة ومن ضمنهم واحدة كانت بتقوللى عليها انها مبطقهاش وانها انسانة
مغرورة اوى وطبعها مش من طبعنا
وفى يوم حصلت مشكلة عندى فالبيت ونتايج المشكلة دى ان ماما قالتلى متكلميش البنت دى تانى
وابعدى عنها وكلمت صاحبتى دى اقصد اللى كانت فيوم صاحبتى وقالتلها ممتكلميش شيماء تانى وابعدى عنها
ودة طبعا لما دخلت الجامعة مكنتش عارفة حد غيرها هى وبس كان اعتمادى كله عليها
الموقف دة حصل قبل كدة بس كان رد فعلها انها وقفت جمبى فعز احتياجى ليها ومهتمتش بكلام حد المهم نوكن مع بعض وبس
وجيت
بعد ماماما كلمتها قعدت 5 ايام ادور عليها فالجامعة عشان اعتذرلها عاللى
حصل واول اما شوفتها جريت عليها وكنت فاكره طبعا انى واحشاها وهتاخدنى
بالحضن وجايه اسلم عليها ممدتش ختى ايديها

ولاقيتها علت صوتها وزعقت وبتقوللى انا مش عوزاكى ومعاها البنت اللى قلت عليها انها مغرورة ودخليتها فى مشكلتنا
وهى اللى كانت مقوياها وكانت عاوزة تاخدها منى وجاتلها الفرصة طبعا فقلتلها انا مش هتكلم اودام حد غريب عشان منخسرش بعض اكتر من كدة
قاللتى مفيش حد غريب ونا مش عاوزة اكمل خلاص
وطبعا التانية كانت عماله تتكلم معاها وبتقويها
قلتلها شكرا ياستى على زوقك وسيبتها ومشيت
والدنيا اسودت فعنيا مللى عملته فيا واللى مكنتش متوقعاه منها ولا كنت منتظرة منها كدة ابداااااااااا
وحاولت ارجعها ليا بطرق كتيرة بس كانت دايما بترفض لعند ماربنا رزقنى بواحدة هونت عليا كل حاجة
ونسيتنى كل حاجة وبقيت اعامل اللى خانتنى دى معاملة اقل من العادى لانها كانت كلها حقد وانانيه

واتعلمت حاجاااااااااااااااااااااااااات كتييييييييييييييييييييييرة
انى مأمنش لحد بسرعة وانى مجرجش حد برده بسرعة لان الى بيدوق طعم الجرح صعب انه يجرح
وادينى عايشه وارتحت لما بعدت عنها لانى عرفتها على حقيقتها

انا طبعا طولت عليكو اوى بس قلت اما افتح موضوع نتكلم فيه
ولو اى حد اتعرض لاى موقف متعلق بخيانة الاصدقاء يكتبه فموضوع ويحكى هو شاف ايه
او عنده مشكله يقول ونحكى لبعض

واتحديت اى حد عشانها

» خيانة زوج لا تخطر على بال احد ابدا ابدا ابدا‍‍‍‍‍