إبراهيم عطا الله يكتب: الله أكبر

على مصر حلوة مأصلة تكسر قيود
على حلم عشته واتولد بإيدين جنود

الله أكبر
عشتى بلدى مزهرة ملايين ورود
حكمك ياعينى وقتها حبة قرود

الله أكبر
حكامنا عاشوا مرحلة ف حارة يهود
خلاص يسمّوا حزبهم حزب ال...ليكود

الله أكبر
حبسوا ضحايا ظلمهم من غير شهود
والعدل ماشى ف دمنا....... لازم يسود

الله أكبر
عاوز يورث عزبته لولد جحود
نسى أنه عايش منظرة وهياكله دود

الله أكبر
الخير هييجى بالأفف .....كله وعود
فاتت سنة ورا كام سنة ومفيش وجود

الله أكبر
صرخ الولاد ويا البنات طالبين عقود
دول حبة بيض..... دولا حبة سود

الله أكبر
ضرب بكامل قوته..... قابل صمود
لا محايلة نافعة وقتها ولا كيس بارود

الله أكبر
نحتوا ف تاريخنا تلحمة شوية عهود
مع ندل راشق جنبنا حاشد حشود

الله أكبر
لجل شعب يعيش أسود
لجل أمة تتحد من غير حدود

الله أكبر
قايدة مصر باأهلها من غير عمود
ولو سابوها مشلفطة....علطول تعود

الله أكبر
النيل هيروى شعبها ومفيش سدود
ولو طمع فيه العدا نحلف نزود

الله أكبر
مصر جامدة منورة ومفيش ركود
بعد التحية والسلام..... لازم سجود

» الحياة الدنيوية لصفوة خلق الله محمد بن عبد الله صلوات الله وسلامه عليه
» حمل لأطفالك أكبر مكتبة كرتون إسلامى
» القصة التي ابكت حبيب الله الرسول صلى الله عليه وسلم ..
» أزواج النبي صلى الله عليه وسلم ورضي الله عنهن
» طالبان من أكبر المنظمات التى تتاجر فى المخدرات