جرى ايه يا جماعه..

جرى ايه يا جماعه..
في ما بينا اشاعه..
بتقول الحرق سبيل الغير..
على امل ان هيحصل تغيير..
دي حقيقه ولى اشاعه..
حرقت اعصابنا يا جماعه..
مش موضه والله دي يا ابني..
دي مصيبه وكارثه بتصيبني..
ازاي النفس علينا تهون..
بإيمان وتقوى كان مدفون..
يعني انا احرق نفسي وبس..
وفاكر حكومتنا هتحس..
الكارثه في الضعف الي مالينا..
كبر وكبرناه بإيدينا..
ممكن كلمه تغير دوله..
ولا نار ولاعه معاها فارقه..
ممكن نبكي ونشجب ياما...
وهما يومين وننسى الي بكانا..
لازم نعرف كيف نثور..
نكسر اجمد اطول سور..
نبحث على انفسنا بجد..
مش اطباعنا نقلد حد..
احرق جسدي علشان ايه..
امي وابويا ذنبهم ايه..
يمكن في واحد حركهم..
بس العبره مش احراقهم..
يلا انفضوا اضغاث الصحوه..
ما انت وهي كله في غفله..
اصحوا كفايه بلاش شعارات..
وبلاش حرق بلاش حركات..
اصحوا وفوقوا كفايه بجد..
شعارات وشتيمه ملهاش حد..
خلينا نتجمع على كلمه..
نتحرر نتغيرو بحكمه...

» شوفو الهند و عمايلها استغفر الله يا جماعه